لِكلِّ مُحبِّي النُّكتِ والضَّحك والتَّرْفيه ، عُدنَا لِنَشر لَكُم مَجمُوعة جَدِيدَة مِن نكت مغربية مضحكة جدا 2023 بالدارجة جَدِيدَة يُمْكِن أن تَكُون أَوَّل مَرَّة تقْرأْهَا فِي حَياتِك ، كمَا لََا تَنسَى أن تُشَارِك مَعنَا نُكتَة لَو كَانَت لَديْك فِي التَّعْليقات.

النُّكتُ كُلهَا مَغربِية ، وَبخُصوص بَاقِي الدُّول العربيَّة اَلأُخرى مَا عَدَّى دُوَل اَلمغْرِب العرَبيِّ فإنَّهم سيجدون صُعُوبَة فِي فهْمهَا ، بِحكْم اِختِلاف اللَّهْجة قليلا ، وسنقوم بِنَشر نُكَت أُخرَى تَخُص بَاقِي الدُّول ، فمَا عليْكم سَوَّى تَصفَح قِسْم النُّكتِ .

نكت مغربية مضحكة جدا 2023 بالدارجة

نكت مغربية مضحكة جدا 2023 بالدارجة

• راجل معقول غادي وطاح فحفرة ناض منها وشاف حفرة قدامو قال اف عوتاني هنطيح.
• واحد بايت بالجوع حلم راسو كياكل لملاوي فاق لقا راسو صارط كاشا.
• هادو واحد ثلاتة بغاو إتكيفوا مالقاوش بريكا وهوما يسيفطو واحد إجيبها ومشا قلب حتي عيا و رجع عند صحابو قالهوم راه تنقلب على بريكة واش معندكومش قالولو ريح راه عاد سيفطنا واحد يجيبها.
• معكاز واحد النهار مراتو كدق الباب نسات الساروت مفيه مينوض قال ليها سيري لدار باك راك مطلقة.
• قالك هدا واحد الراجل كان معاه كلبة كانيش وهو يقوليه واحد صاحبوا مكلخ منين جبتيه قالوا خدمتوا(يعني سرقتوا) مشى لمكلخ على نيتوا وهو يجيب ليه خنشة ديال الصوف وقال الله يحفظك لما اخدم ليا 2 كانيشات واللي شاط صاوب ليا بيه مشة.
• هدا واحد قال لمرتو إلا ولدتي دري نسميوه مبروك و إلا ولدت بنت نسميوها مبروكة. نهار ولدات جا عندو الدكتور قاليه ألف مبروك. هو إسخف.
• هادو 2 دراري تعطلو على المدرسة ،و قال ليهم المعلم : علاش تعطلتو ؟ قال ليه واحد راه طاحت ليا 10 دراهم ، و هو يقول ل تاني: و نتا مالك قال ليه: راه كنت داير رجلي عليها.
• هادو جوج دريات دوزو لباك واحدا باسات واحدة غولف.

 نكت مغربية مضحكة

• هدا واحد القواس مشا يتفرج فواحد لمباراة..المهم بدا لماتش ب 40دقيقة وماكاينش اللي يسجل الهدف…غير مشا يشرب هوا يتمركا لبيت منين رجع تيجري ماشافوش…و فاش دارو الاعادة دربات الكرة البوطو…
• قالك هدو 3ديال سكايرية سكرانييين، طلعوا لطاكسي مول الطاكسي عرفهم سكرانين دار أمارش لطوموبيل وسكتها وقالهم صاف را وصلتوا سكايري الاول عطاه فلوس الخلاص. سكايري التاني قاليه شكرا والثالث جمعها مع مول الطاكسي بتصرفيقة مول الطاكسي تخلع صحاب ليه هداك الثالث مسكرانش وهو يقول ليه علاش ضربتيني؟ وهو يرد عليه : المرة الجاية احترم السرعة را كنتي غتقتلنا !!!! ههههههههههههههههههههههه
• هذا واحد الاستاذ كان غادي في الطريق وهو يلقى ثلاثة تلاميذ ديالوا سولهم قال ليهم اشنو كديرو فاش كتخرجو من المدرسة قال الاول: أنا كنتسخر للدار وكنمشي عند العربي مول الزطلة قال التاني: أنا كنلعب الكورة وكنمشي عند العربي مول الزطلة قال الثالث: أنا كنمشي نيشان للدار الاستاذ فرح وعنقوا وقاليهم شفتو صاحبكم شحال ظريف وباغي يقرا وهما يقولو ليه راه هذا هو العربي مول الزطلة.
• هذا واحد مول الطاكسي مبوق مزيان غادي فالمدينة او هي تشير عليه واحد المرآ هو يوقف طل عليها من الشرجم او قال ليها فين غاديا أ لالة قالت ليه السوق اَسيدي هو يقول ليها سيري أوُ متعطليش.
• هدا واحد خينا رجلو ليمنية قصيرة على ليسرية, بدا تابع واحد البنت شاد معاها ستون فالطريق, و تيتمشى بالرجل ليمنية فطروطوار و ليسرية لتحت باش ما يتفرش معا بنادمة, ملي سالا طروطوار ما لقا ما يدير ملي بدا تيعواج هو يقول ليها خوك راه ما كاين هي الهيب هوب (Hip Hop).
• واحد مافحالوش مشا لقهوا لقا واحد شبعان تيكل فواحد دجاجة و مشا ريح حداه و طلب واحد طبسيل ديال لعدس بدا كيكل فيه بلا مليقول بسم الله قاليه هداك لي حداه قول بسم الله أصاحبي أولا شيطان غادي ياكل معاك و رد عليه لاخر واش شيطان حمق اخلي دجاج باش ياكل لعدس.
• قالك هدي واحد المعلمة رسمات الدراري تراكتور -tracteur- وهيتقول ليهم سنو اسميت حتى واحد ماعرفو واحد شوية وهي تنوض واحد كاس في لااخر سالته ودري تمتام قال ليها تر تر تر تر تر تر وهي تقول ليه انا سولتك على اسميت ماشي قتلك دير ليه امارش -amarche

نكت مغربية مضحكة قصيرة

• جوج مهابيل كايتخاطرو علا مشا… واش دكر ولا لا… داز واحد لمحشش سولوه ..
• هوا يقول ليهم نضربوها بحجرة .. الا تصب راه مش الا تصبات راها مشا .
• معكاز شرا ليه باه محل ديال دجاج باش يجمع راسو جات عندو واحدة قالت ليه ارا ليا شي دجاجة فيها 2 كيلو…
• الدري مكسل.. شاف فدجاج وقال لهم للي فيها 2 كيلو تنوض.
• واحد مشا مع دريا لسينما بالعلم ديال مها… مني بدا لفيلم طفا الضو… دريا كتبكي.. قال ليها مالك.. قالت ليه قالت ليا ماما سيري ومتباتيش .
• الشتاء خيط من السماء الأب فرحان وتيقول :رويها ياكريم.. ولدو داخل للدار وهو يسمعوا ..قاطعو وقال ليه : آش تتخربق الواليد : شفتي هدا الشتاء هي في الأصل ماء وتبخر ، وداك البخار طلع للسماء.. وتفاعل مع الجو ولى سحب تعرضات للبرودة ومن بعد ولات شتاء هي اللي تتشوف دبافهمتي ابا .
• فار غادي .. سمع عرس… دخل ليه لقا عرس ديال المشاش… بات لعروسة شدو وقال لجوق: غنيو ليه يازربان على عمرو . واحد بروفيسور في حصة علم التشريح جبد ليسطاجير دياولو جثة و قاليهوم : شوفو أوليداتي , لي بغا إكون طبيب خاصو إكونو فيه جوج حوايج , لولا خاصو إكون ماكايعيفش ههه و هو إدير صبعو فالنيف ديال الجثة و لحس صبعو , هو إقوليهوم ديرو يالاه ديرو بحالي ههه كلهم قضاو الغرض , قاليهوم الحاجة الثانية اللي خاصها تكون ف الطبيب هي قوة الملاحظة أنا خشيت صبعي الكبير فنيف الجثة و لحست صبعي الصغير بصحتكم الديسير .
• واحد طلاب طلع لطوبيس كايطلب مبغا حد يعطيه.. واحد الراجل عيط عليه عطاه شي حجا…طلاب قال ليه الله يجعلك من الدين امنو… مني شاف لقا ريال.. زاد قال ليه ثم كفروا . واحد حشايشي شاف باه فالزنقة.. باه جا عندو قال ليه مالك مشفتنيش.. قال ليه شفتك غير معرفت فين.

نكت مغربية مضحكة مكتوبة

واحدعور واحد عرج مشاو يسرقو الرمان…المهم العور بقا تحت الشجرة و العرج طلع كيزول الرمان و يرمي لصاخبو في حجرو…..العور غير واقف شاد جلايلو و الرمان اللي كيجي لبه فحجرو….

واحد الساعة العرج زلق و طاح جا فحجر العور و هو يقولليه العور …زيد غير وحدا بحال هدي و نزل واحد كذاب بززززاف قال لواحد صاحبو: أنا خلاقيت ملي كان قوس قزح بيض وكحل !! وهو يرد عليه صاحبو حتى هو طيارة في الكدوب قال له: انا تزاديت فاش كان البحر الميت باقي مريض فالسبيطار.

هههههههه هادا واحد المكلخ حلم براسو تجمعو عليه رباعة ديال الدراري بغاو يسلخوه الغد ليه، جمع صحابو كاملين وجابهوم ينعسوا معاه ف الدار واحد الشيباني قال لصاحبو: في أيامات الشباب، كانوا العيالات يجريو يتبعوني قال ليه صاحبو:

ودابا؟ قال ليه الشيباني: لا دابا صافي، عفى عليا الله من الشفرة ديال السيكان واحد سخي بزاف تحرقات ليه دارو ملي جاو البومبية قال ليهم والله يما تحطو ايديكم فشي حاجة قبل ما تشربو القهوة

هادا واحد حالف تايبوس بنت خالتو.. و احد النهار جات عندهم للدار هي و جداه , فنص الليل هو يهبط بشوية و دخل عليهم للبيت فين ناعسين.. و هو يدوخ مع الظلام قمّر عليها مع البوسة وهي تقوليه جداه” سعيد مالك ؟”

قالها تهلاي آجدة فراسك أنا مسافر. هل تعرفون قصة للي حشمو ماتو؟ واحد النهار شعلات العافية في حمام ديال الجنس اللطيف، لي خافو خرجو عريانات أو لي حشمو ماتو , جوج وجادة وبركاني مشاو للبحر دخل الوجدي يعوم شوية اوهوا يخرج شاد فكتفو وقليهم شدني الكلاكاج فكتفي دخل الوجدي التاني شوية وخرج قاليهم شدني الكلاكاج فرجلي دخل خونا البركاني شوية وخرج كيغوت ويجري قالولو مالك قالهم الكلاكاج

حل فمو وبغا ياكلني. قالك هادا واحد الولد قال لباه الواليد راه بغيت نتزوج قاليه باه أهاه أو شكون هادي اللي باغي تزوج بيها قاليه جدا قالو باه والاكين هاديك راها مي قالو أو مالك نتا مزوج بمي قلتليك شي حاجا , هذا واحد العروبي مشى للبحرعين الدياب ، شاف البنات كيتشمسو ، قال لواحد الشمكار؛ ناري كون كانت السيبة.

رد عليه الشمكار؛ كون كانت السيبة نبدا بيك أنت الاول.