Advertisement

تعرف على أنواع وثمن التأمينات على السيارات بالمغرب

تعرف على أنواع وثمن التأمينات على السيارات بالمغرب
شارك المقال لتعم الفائدة
Advertisement

مرحبا بكم زوارنا الكرام في موقعكم أنابيك جوبز موضوعنا اليوم بخصوص تعرف على أنواع وثمن التأمينات على السيارات بالمغرب

1666797828 375 تعرف على أنواع وثمن التأمينات على السيارات بالمغرب تعرف على أنواع وثمن التأمينات على السيارات بالمغرب

إيلا كانت عندك سيارة ضروري بطبيعة الحال من لاسيرونص..

لا سيرونص فيه 3 الأنواع كبار : 

1   تأمين الحماية المدنية : هدا هو الرخيص فيهم وكتأمن على جوج حوايج : 

أ : لا كنتي ماشي فوتيف يعني ضربك واحد من اللور…ولا ضربك واحد حارق فوروج ولا عندو سطوب ولا كان على ليسر ديالك … فهاد الحالة بهاد لاصيرونص العادية كتعوضك على الخسائر المادية لي لحقات بالسيارة.. 

ب :  في حالة كانو خسائر بشرية ( يعني تجرحتي ولا تقصحتي ولا تهرستي ولا متي ولا مات شي واحد راكب معاك ) لاسيرونص كتعوضك حسب درجة الخطورة والتعويض هنا كيكون بالملايين ).. 

الفرق فقط في المدة ديال التعويض والاجراءات :

مثلا فحالة كانو خسائر مادية عند الطرفين لي تسببو فالحادث، كيجي الكونسطاطور ديال لاسيرونص كيعمر ليكم كوسطا وكتمشي تدفعها لاسيرونص ديالك وكيقيمو لك الخسائر وحتى هما كيحطوك فشي 2 الإختيارات : 

الاختيار الاول : اتعطيهم الطوموبيل يدخلوها للكاراج ديال لاسيرونص حتى تصاوب وترجع تجيبها ( وفهاد الحالة على بارشوك تقدر تبقى تسنى شهر )..

الإختيار الثاني : كتمشي تصايبها لراسك وتخسر فلوس من جيبك ومن بعد كتجيب ليهم الفاكتورة Facture وكيعوضوك على شحال خسرتي..

وهنا كيكونو القوالب بحيث نتا الخسائر كاملة كيكونو ايطلعو عليك ب 2000 درهم وكتعطيهم Devis فيه 14000 درهم باش تصلح، وهما كيعاودو يديرو حسابهم وكيعطيوك فاللخر مثلا 9000 درهم، وكيشيط لك الصرف وهادشي كياخد من 15 يوم حتى لشهر ولا كثر حسب السرعة ديالك فالإصلاح والإدلاء بالفاكتورة والدوفي.. 

نكملو أنواع التأمينات دابا : 

2   :  التأمين ديال Damage et collision 

وهدا كيعني أن لاسيرونص غتعوضك إلى كنتي فوتيف ولا ماشي فوتيف،  الفرق فقط فأنك إلى كنتي فوتيف غتخلص 20٪ من الثمن لي خالصتي عليه لاسيرونص النهار الأول ( يعني لا قطعتيه لاسيرونص ب 5000 درهم ودرتي حادثة من بعد ونتا فوتيف غيزيدو عليك 1000 درهم ديال البيناليتي وهادشي كينطابق حتى على لاسيرونص الأَولى لي هضرنا عليها الفوق.. اما إلى كنتي ماشي فوتيف مكتخلص تا حاجة).

3.  : تو ريسك tous risques 

وهي لي مزيانة ولكن غالية ( زيد الما زيد الدقيق ) هي انك ملي كتكون فوتيف ولا ماشي فوتيف غادي تتعوض على الخسائر كاملة..

ختاماً كان هذا مقالنا اليوم عن تعرف على أنواع وثمن التأمينات على السيارات بالمغرب إذا أعجبك المقال فلا تنسى مشاركته حتى يستفيد منه الآخرون.

Advertisements
شارك المقال لتعم الفائدة
انتقل إلى أعلى