Advertisement

أرخص تذكرة طيران من المغرب إلى تركيا

تذكرة طيران من المغرب إلى تركيا
شارك المقال لتعم الفائدة
Advertisement

مرحبا بكم زورانا الكرام في موقعكم أنابيك جوبز موضوعنا اليوم بخصوص أرخص تذكرة طيران من المغرب إلى تركيا .. كيفاش تصيد عليها من الانترنت؟

تذكرة طيران من المغرب إلى تركيا

أرخص تذكرة طيران من المغرب إلى تركيا 2022 – 2023 ______ بزاف ديال المغاربة كيختارو تركيا كوجهة سياحية باش يدوزوا فيها العطلة ديالهم، حيت هي أولا دولة مكتفرضش الفيزا على المغاربة، وتانيا حيت تركيا كتعتابر وحدة من أجمل الدول السياحية في أوروبا وفالعالم كامل.

المشكل أن الإقبال الكبير على السفر الى تركيا من المغرب كيخلي أسعار التذاكر غالية بزاف وبعض المرات كيكون بثمن باهض خصوصا إلى استعان المسافر ببعض مكاتب الأسفار اللي كيقدموا حجوزات غالية بزاف.

هداك علاش فهاد المقال قررت أنني نشارك معكم واحد الطريقة ساهلة ماهلة تخليكوم تحجزو أرخص تذكرة طيران من المغرب إلى تركيا من الأنترنت فقط وبلا ما تمشيو عند وكالات الأسفار اللي تقدر تطلب منكم مبالغ اضافية فشي حويجات تقدروا تديروها براسكم.

وقبل ما نبداو فالموضوع نحب نذكر القراء الكرام بللي هاد المقال موجه للمغاربة فقط هداك علاش اختاريت نكتبو بالدارجة المغربية، اللي كيفهمها كولشي، واللي هي اللغة الوطنية ديالنا اللي خاصنا نفتاخرو بيها.

كيفية الحصول على أرخص تذكرة طيران من المغرب الى تركيا :

الى بغيتي تقلب على أرخص تذكرة طيران من المغرب الى تركيا فتقدر تقلب عليها لراسك من خلال محركات البحث ديال رحلات الطيران المشهورة واللي عندها مصداقية بحال Google Flights أو Booking أو Skyscanner

شخصيا كنفضل الخدمةبـ Skyscanner حيت ساهل وعملي، وديما كنلقى فيه أفضل العروض االي كنقلب عليها سواء في حجوزات الطيران أو الفنادق أو كراء السيارات.

المهم قبل ماتدخل لشي واحد من هاد المواقع خاصك تطبق هاد النصائح باش تقدر تلقى أرخص أسعار تذاكر الطيران لتركيا

وأيضا باش ما تلقى حتى شي مشاكل أو عراقيل مين تبغي تسافر.

1. ابتعد عن أوقات الذروة وكن مرنا في تواريخ سفرك :

Advertisement

أحسن طريقة تقدر تصيد بها على تذاكر طيران رخيصة هي تكون مرن فأوقات وتواريخ السفر، حيت الأسعار ديال التذاكر كتختالف على حساب الأوقات .

فمثلا فأشهر العطلات كتكون القضية غالية، ولكن خارج هاد المواسم كتكون القضية مرطبة وتقدر تطيح على تذاكر رخيصة بزاف.

واحد القاعدة معروفة عند الناس ديال السفر كتقول ” الى كنتي غادي تسافر فالوقت اللي كيسافرو فيه كاع الناس ، فراك غادي تلقى كلشي غالي”

هداك علاش مثلا الى كنتي كتفكر تسافر لتركيا فمن الأحسن ليك تسافر ليها فأي وقت من غير شهر 6 و7 و8 و9 .

اقرأ أيضا: حجوزات السفر أون لاين .. كيف تخطط لرحلتك السياحية بنفسك من الألف إلى الياء؟

2. احجز تذكرة طيران مبكرا للاستفادة من العروض :

بعض المرات كيكونو عروض واعرة وبأسعار متقدرش تخايلها ولكن كيكون الموعد ديالها بعيد شوية.

فمثلا كتلقى عرض تذاكر طيران مخفضة جدا على بعد شهراين أو 3 أشهر .

لكن المشكل اللي كيوقع لبعض الناس أنهم كيبغيو يخليو حتى يقرب الموعد ديال هاد العرض عاد يحجزوه.

لكن للأسف العروض مكتبقاش ديما وكتكون محدودة، يعني يقدر يدوز غي نهار ولا يوماين أو حتى سيمانة وتلقى داك العرض مشى . بمعنى غفل طارت عينيك.

هداك علاش الى كنتي باغي تسافر لتركيا بأرخص الأسعار فمن الأحسن مترهنش راسك بوقت محدد ولكن كون ديما مستاعد للعروض باش متفلتهاش.

3. الرحلات الغير مباشرة من المغرب الى تركيا أرخص ولكن فيها إنّ :

فأغلب الرحلات كيفما غادي تشوف فالصور اللي كاينين لتحت غادي تلقى بللي الرحلات المباشرة من المغرب الى تركيا أغلى شي شوية من الرحلات الغير مباشرة

الرحلات الغير مباشرة كتكون رخيصة حيت أولا متوفرة بزاف

ثانيا حيت كتاخد مدة طويلة باش يوصل المسافر لتركيا

ثالثا حيت بزاف دناس مكيبغيوش يمشيو فيها حيت كتدير ليسكال فمطارات أوروبية بحال ليشبونة وبروكسل وهادو كيطلبو من المسافر فيزا شنغن ترانزيت.

وبحكم أن أغلب لمغاربة اللي باغيين يسافرو لتركيا مكتكونش عندهوم فيزا شنغن كيديرو بناقص من أي رحلة غير مباشرة

وكيضطروا يبحثوا على الرحلات الغير مباشرة واخا زايدة شوية فالثمن.

ولكن واخا هاكاك يقدر المسافر يصيد على تذاكر رحلات مياشرة من المغرب الى تركيا رخيصة الى عرف كيفاش يقلب. وهادشي اللي كنشرح فالمقال 

4. احجز تذكرة الطيران من المغرب الى تركيا ذهابا وإيابا

باش ميكون عندك حتى مشكل مع موظفي الهجرة نهار توصل للمطار فتركيا من الأحسن تكون عندك تذكرة طيران فيها الذهاب والإياب.

علاش؟ حيت تذكرة الإياب بالضبط هي دليل على أنك ناوي تخوي تركيا فواحد تاريخ محدد. وهي اللي كتسمى اثباتات العودة

تذكرة العودة تثبت لسلطات الهجرة المدة اللي ناوي تبقاها فتركيا، واش شهر، واش شهر ونص ، واش شهرين ….

حيت المدة المسموح بالبقاء فيها فتركيا مخصهاش تعدى 90 يوم.

هاداك علاش من الأفضل ليك مين تبغي تحجز تذكرة الطيران خاصك تحجز الذهاب والإياب باش تجنب أي مشاكل.

اقرأ أيضا: حجز تذاكر طيران “وهمية” لفيزا شنغن: كيفية “حجز طيران وهمي” بشكل قانوني

5. ابحث عن الرحلات المتوفرة في شهر كامل وليس في يوم واحد :

مين تكون كتقلب على الرحلة ديالك خاصك فالمكان ديال تحديد تاريخ الذهاب والإياب متحددش نهار معين ولكن حدد شهر معين .

هاد الطريقة غادي تخليك تطالع على كاع الأثمنة اللي متوفرة فداك الشهر.

والى مالقيتيش الثمن المناسب غادي تنتاقل للشهر اللي موراه، وهاكا بقى تبحث حتى تلقى النهار اللي فيه أرخص تذكرة طيران من المغرب الى تركيا.

أما الى قلبتي بتاريخ محدد في يوم محدد غادي يطلع ليك غي الرحلات اللي كاينة داك النهار وغادي تواجه صعوبة باش تلقى اليوم اللي فيه أرخص تذكرة.

المهم هاد النصائح غادي نحاولو نطبقوها بشرح مصور في الفقرة الجاية باش نعرفو كيفاش نقدرو نصيدو أرخص أسعار تذاكر الطيران لتركيا

طريقة البحث عن أرخص تذكرة طيران من المغرب الى تركيا 2022

Advertisement

غادي نختارو مثلا موقع Skyscanner باش نقلبو على الرحلة ديالنا

فالموقع خاصني نعمر واحد الاستمارة باش نقدم المعلومات الأساسية

غادي نختار رحلة ذهاب وعودة وغادي نختار مكان الانطلاقة ديالي مثلا هو مطار محمد الخامس الدار البيضاء ومكان الوصول هو اسطنبول.

ومن بعد غادي يكون علي تحديد تاريخ معين ديال الذهاب والاياب ديالي كيفما مشروح فالصورة

تذكرة طيران من المغرب إلى تركيا
تذكرة طيران من المغرب إلى تركيا
Advertisement

قبل ما تضغط على زر “ابحث عن الرحلة” خاصك كيفما تكلمنا من قبل، تحدد فالخانة ديال تاريخ الرحلة اظهر الشهر وليس اليوم

غادي تبرك على خانة التاريخ وغادي تبان ليك واحد الصفحة اللي غادي يكون عليك فيها تختار تاريخ الذهاب وغادي تحدد “الشهر بأكمله” كيفما باين فالصورة

تذكرة طيران من المغرب إلى تركيا
أرخص تذكرة طيران من المغرب إلى تركيا 19

من بعد غادي يكون عليك فتاريخ العودة أيضا تختار “الشهر بأكله” ومن يعد تضغط على زر “ابحث عن الرحلة”

وهادشي كولو باش تقدر تطالع على الأسعار اللي كاينة فشهر كامل

اقرأ أيضا: تعويض تأخير رحلات الطيران (أو إلغائها): كيف تحصل على 600 يورو كتعويض إذا عرفت كيف تطالب بحقك؟

تذكرة طيران من المغرب إلى تركيا
تذكرة طيران من المغرب إلى تركيا

نتائج البحث عن ثمن التذكرة من الدار البيضاء إلى اسطنبول بالدرهم المغربي

Advertisement

المهم فالمثال ديالنا اختارينا البحث عن أسعار تذاكر الذهاب من الدار البيضاء الى اسطنبول اللي كاينة فشهر دجنبر 2022 وأسعار تذاكر الاياب من اسطنبول الى الدار البيضاء فشهر يناير 2023

وكانت النتائج كالتالي:

الرحلات المباشرة من المغرب الى تركيا:

أرخص تذكرة طيران من المغرب الى تركيا كاينة نهار الأربعاء 28 دجنبر بسعر كيبدا بـ 1522 درهم

أغلى سعر تذكرة طيران من المغرب الى تركيا عبر مسار الدار البيضاء اسطنبول كاين نهار الثلاثاء 6 دجنبر بسعر كيبدا بـ 1926 درهم

تذكرة طيران من المغرب إلى تركيا
تذكرة طيران من المغرب إلى تركيا

الرحلات الغير مباشرة من المغرب الى تركيا

كيفما سبقت الإشارة فالرحلات الغير مباشرة كتكون ديما رخيصة مقارنة بالرحلات المباشرة

هداك علاش تقدر تلقى بسهولة رحلات جوية رخيصة من الدار البيضاء إلى إسطنبول الى اختاريتي الرحلات الغير مباشرة

فنتائج البحث ديالنا لقينا بللي أرخص نهار كاين فشهر ديسمبر للسفر من الدار البيضاء الى اسطنبول هو 2 دجنبر بسعر كيبدا بـ 1033 درهم فقط.

بينما أغلى نهار كاين فنفس الشهر هو السبت 24 دجنبر اللي كيبتدئ فيه السعر بـ 1809.

تذكرة طيران من المغرب إلى تركيا
تذكرة طيران من المغرب إلى تركيا

وكيفما سبقت الإشارة الرحلات الغير مباشرة وعلى الرغم من أنها رخيصة ولكنها تقدر تكون فيها بعض العراقيل

خصوصا الى كانت غادي تدير ليسكال فمدن أوروبية بحال بروكسيل أو ليشبونة اللي يقدر يطلبو فيزا شنغن ترانزيت

هداك علاش حنا فهاد الشرح قررنا ناخدو الرحلات المباشرة ونختارو فيها أرخص نهار اللي فيه السعر كيبدا بـ 1522.

لماذا يتم تخفيض سعر حجز الفنادق للمجموعة (العائلات، الجمعيات، الرحلات المنظمة…)؟

رحلات العودة من اسطنبول الى الدار البيضاء

مين كتحدد اليوم اللي غادي تسافر فيه فرحلة الذهاب غادي تبان ليك لائحة أخرى ديال الرجوع اللي غادي يكون عليك تختار فيها اليوم المناسب ليك.

طبعا حنا قلبنا على أرخص نهار للرجوع فشهر يناير 2023 ولقينا هو يوم الأربعاء 11 يناير 2023 واختاريناه هو يوم الرجوع باش نكملو الشرح ديال الخطوات.

تذكرة طيران من المغرب إلى تركيا
أرخص تذكرة طيران من المغرب إلى تركيا 20

من بعد ما ختارينا رحلات الذهاب والاياب المباشرة بين المغرب وتركيا

موقع Skyscanner غادي يظهر لينا صفحة جديدة فيها مجموع السعر الأولي ديال هاد الرحلة اللي كيبدا 3044 درهم ذهابا وإيابا كيفما هو مبين فالصورة أسفله

Advertisement
الرحلة ذهابا وايابا الى تركيا أرخص تذكرة طيران من المغرب إلى تركيا
أرخص تذكرة طيران من المغرب إلى تركيا 21

حجز أرخص تذكرة طيران من المغرب إلى تركيا 2022 _ 2023

فهاد المرحلة غادي يكون علي نضغط على الخانة الخضراء اللي مكتوب فيها “اعثر على رحلات جوية” باش نقدر ندخل نشوف شكون شركات الطيران اللي مقدمة هاد الأسعار.

مباشرة من بعد الضغط على الخانة كتظهر لي صفحة جديدة فيها مجموعة ديال الأسعار، وهنا كنقلب على السعر الأرخص باش ندخل نحجز التذكرة ديالي

حجز أرخص تذكرة طيران من المغرب إلى تركيا
تذكرة طيران من المغرب إلى تركيا

فمثلا كنلقى شركة العربية للطيران دايرة سعر فهاد التاريخ اللي بغيت أنا محدد فـ 3597 درهم، وفنفس الوقت شركة بيغاسوس محددة السعر فهاد التاريخ فـ 3863.

المهم أنا كنشوف اللي يناسبني وآشمن شركة طيران كنلقى فيها راحتي ومن بعد كنضغط على الزر الأخضر “أختار”

من بعد كتظهر ليك صفحة جديدة كتقتارح عليك طريقة اتمام الحجز وهاكا كتكمل معاهم الخطوات اللي باقيين باش تقدر تشري تذكرة الطيران ديالك.

واش أسعار تذكرة طيران من المغرب إلى تركيا اللي فالصور ثابتة؟

لا الأسعار اللي كاينين فهاد المقال يقدر يكونو تبدلو قبل حتى ما نكمل من كتابة هاد المقال.

بالإضافة لهادشي كامل تقدر من خلال البحث ديالك على أرخص تذكرة طيران من المغرب إلى تركيا تقدر تلقى تذاكر أرخص من هادشي اللي لقيت أنا

وفنفس الوقت تقدر تلقى أسعار غالية شوية.

اللي خاصك تعرف هو أن أسعار التذاكر ديما غير ثابتة حيت كتختالف على حساب فترة العرض وتاريخ السفر وتوفر المقاعد وأيضا على حساب طريقة البحث

شريحة eSIM .. ماذا تعرف عنها؟ ولماذا نوصي بها جميع المسافرين؟


هل يمكن السفر من المغرب إلى تركيا الآن بدون قيود كورونا؟

بالنسبة لتركيا تقدر تدخلها بدون أي عراقيل حيت حيدات جميع قيود السفر المتعلقة بكوفيد 19 ، يعني مكاين لا جواز التلقيح ولا PCR ولا هم يحزنون

ولكن المشكل هوما ديالونا اللي مزال كيطلبو الشروط التالية باش تقدر تخرج من لبلاد:

  • أي واحد خاصوا يكون عندوا الجرعة التنشيطية من لقاح كورونا بعد 4 أشهر من تاريخ آخر جرعة قبل السفر
  • اللي ضرب الجرعة التنشيطية أو اللي عاد تعافاو من فيروس كورونا يقدروا يسافر ولكن خاصهم يقدموا:
    • شهادة التطعيم؛ أو
    • شهادة التعافي من فيروس كورونا؛ أو
    • تقديم نتيجة سلبية لفحص كوفيد 19 بالإضافة الى نتيجة PCR أو ART التي توثق تاريخ آخر عدوى
Advertisement

ختاماً كان هذا مقالنا اليوم عن أرخص تذكرة طيران من المغرب إلى تركيا .. إذا أعجبك المقال فلا تنسى مشاركته حتى يستفيد منه الآخرون.

مواضيع ذات صلة:

هل كان المقال مفيداً؟

Advertisements
شارك المقال لتعم الفائدة
انتقل إلى أعلى